د کابل ښوونې او روزنې پوهنتون د رهبرۍ لخوا د پوهنتون کارکوونکو ته د اختر مبارکۍ غونډه!
دوشنبه ورځ د ۴/۲/۱۴۰۲ هـــــ.ش. نېټه د کابل ښوونې او روزنې پوهنتون د مالي او اداري چارو معاون ښاغلي حاجي عبدالرحیم “زبیر” د علمي چارو معاون ښاغلي پوهاند دوکتور جمشېد خان “رشيدي” د پوهنتون ټولو کارکوونکو ته د اختر مبارکي ورکړه.
په یاده غونډه کې د پوهنځیو رئیسانو، استادنو، اداري کارمندانو او کارکوونکو ته د اختر مبارکۍ په پار د پوهنتون په تالار کې غونډه تر سره شوه.
لمړی ښاغلي حاجي عبدالرحیم “زبیر” د اختر مبارکۍ تر څنګ په خپله وینا کې وویل: د الله ﷻ له دربار څخه ډېر منندوی یو چې اختر مو د مینې ورورولۍ په آرامه فضا او کاملاٌ امن او سوکالۍ کې تېر شو، همدارنګه یې زیاته کړه چې لله الحمد په افغانستان کې هېڅ ډول امنیتي ستونزې او مشکېلات نشته ټول وګړي کولای شي د هېواد په ګوډ ګوډ کې د اختر ورځې په خوشحالۍ سره تېري کړي.
