د پوهنتون د علمي شورا ناسته
د کابل د ښوونې او روزنې پوهنتون د علمي شورا ناسته په عادي روال د ۸/۸/۱۴۰۰ نېټه د سې شنبې په ورځ ترغرمې وړاندې په ۱۰:۰۰ بجو د ښاغلي پوهاند جمشېدخان رشیدي په مشرۍ وشوه. دغه ناسته د قرآنکریم د څو مبارکو آیتونو په تلاوت سره پیل شوه او د اجنډا په اړه اړینې پرېکړې وشوې.
1. د پوهنتون د علمي چارو مرستیال د پوهنتون د علمي شورا محترمو غړو ته د ښه راغلاست تر څنګ له استادانو وغوښتل چې د خپلو مقالو، کنفرانسونو او علمي ترفېعاتو په برخه کې د لوړو زدهکړو وزارت له لایحې او مقرراتو سر سم په منظم ډول کار وکړي. همدا راز د پوهنتون علمي مرستیال د علمي شورا ټولو غړو او د کمپیوتر ساینس پوهنځي استادانو ته مبارکي وویله چې د لوړو زدهکړو د محترم وزارت د عالي شورا لهخوا د کمپیوتر ساینس پوهنځي په چوکاټ کې د کمپیوتر د زدهکړې څانګه منظوره شوه. همدارنگه هغه د ماسټرۍ برخې له محترم آمریت څخه وغوښتل چې د آزموینو له ملي ادارې سره په همغږۍ د فقهې او عقیدې د ماسټرۍ اطلاعیو او فورمونو وېشلو ته اقدامات وکړي. علمي مرستیال په ناسته کې د پوهنځیو رئیسانو ته لارښوونه وکړه چې باید د پوهنتون هغو فارغانو ته د ترانسکرېپت په ورکړه کې اصولي اقدامات وکړي چې د فراغت ټول قانوني اسناد یې بشپړ وي.
