د شهید استاد رباني د ښوونې او روزنې پوهنتون مشرتابه پلاوي د تشدیدي سمستر د درسونو د پيل لیدنه وکړه

د ۱۴۰۰ کال د زمري په ۱۷مه نېټه د یکشنبې په ورځ د شهید استاد رباني د ښوونې او روزنې پوهنتون مشرتابه پلاوي د تشدیدي سمستر د درسونو پر جریان نظارت وکړ چې د پلاوي په رأس کې د پوهنتون د علمي چارو مرستیال ښاغلی پوهاند جمشېدخان رشیدي، د زده کوونکو چارو مرستیاله آغلې پوهندوی ذکیه ظاهر شریفیان او د طبیعي علومو د پوهنځي رئیس ښاغلی پوهنوال محمد حسین ندا موجود وو. د درسي بهیر د کتنې په جریان کې د پوهنتون د علمي چارو مرستیال ښاغلي پوهاند جمشېدخان رشیدي او آغلې پوهندوی ذکیه ظاهر شریفیان د درسي ټولګیو د کتنې او کنترول تر څنګ له محصلانو وغوښتل چې رامنځته شوی فرصت په سم ډول وکاروي او په خپلو درسونو کې هڅه وکړي تر څو ښه پایله ترلاسه کړي.