د سولې د مصوبې په اړه د نظرغوښتنې په تړاو د سولې د کمېټې ناسته

د شهید استاد رباني د ښوونې او روزنې پوهنتون د سولې مرکز د مخکېنیو غونډو په دوام د ۱۴۰۰ کال د غبرګولې میاشتې په ۵مه نېټه د چهارشنبې په ورځ د سولې کمېټې نوبتي ناسته وکړه چې د پوهنتون د علمي چارو مرستیال ښاغلي پوهاند جمشېدخان رشیدي، د اسلامي زده‌کړو د پوهنځي رئیس ښاغلي پوهنیار سیدهاشم امین او د سولې کمېټې غړو ګډون پکې کړی و.

لومړی د پوهنتون د علمي چارو مرستیال ښاغلي پوهاند جمشېد خان رشیدي د موضوع په اړه لارښوونکې خبرې وکړې او ویې ویل چې ځوانان د سولې د طرحې په برخه کې مهم رول ادا کولی شي؛ همدا راز د سولې لارې د هغې مصوبې په اړه یې د کمېټې غړو ته معلومات ورکړل چې د افغانستان جمهور رئیس چمتو کړې ده. ورپسې د پوهنتون د اسلامي زده‌کړو د پوهنځي رئیس ښاغلي سید هاشم امین د سولې کمېټې له غړو وغوښتل چې مصوبه په دقت مطالعه کړي او د بشپړتابه لپاره یې خپل برخه‌لیک ټاکونکي نظرونه او وړاندیزونه څرګند کړي.