د شهید استاد رباني ښوونې او روزنې پوهنتون او JRS موسسې ترمنځ د هوکړه لیک د لاسلیکولو غونډه جوړه شوه
د ۱۳۹۹ کال د یکشنبې ورځ د سلوعۍ په ۱۲مه، د شهید استاد رباني ښووزنې او روزنې پوهنتون او JRS موسسې ترمنځ د هوکړه لیک د لاسلیکولو لپاره لاره هوارولو غونډه جوړه شوه.، په دې غونډه کې د شهید استاد رباني ښوونې او روزنې پوهنتون رییس آغلې پوهنوال لیلما شریفی یما. د اختصاصي تعلیماتو پوهنځي رییس پوهنیار ښاغلي بهرام شمس، د اروا پوهنې پوهنځی رییس آغلې زهره ولید رحمانی د JRS موسسې رییس ښاغلي Jerome Sequeira، د دې پوهنتون یو شمیر علمي غړو او د JRS موسسې کارکونکو ګډون درلود.
په پیل کې، د شهید رباني د ښوونې او روزنې پوهنتون رییس آغلې پوهنوال لیلما شریفي یما میلمنو ته ښه راغلاست وویل او د استادانو د ظرفیت لوړولو کې د JRS موسسې د همکاریو اهمیت په اړه یې خبرې وکړې او د JRS له رییس او د هغه له همکارانو څخه یې مننه او قدرداني وکړه چې په تیر کال کې یې بیلابیلې برنامې په لاره اچولې وی. ورپسې د JRS موسسې رییس ښاغلي جیروم سکویرا (Jerome Sequeira)، د نوموړې موسسې فعالیتونو او برخو په اړه معلومات وړاندې کړل چې له دې لارې دوی کولی شي د شهید استاد رباني د ښوونې او روزنې پوهنتون سره همکاري وکړي. وروسته له هغه، په غونډه کې برخه اخیستونکو غړو د هوکړه لیک مینځپانګو په اړه خپل وړاندیزونه وړاندې کړل چې چمتو شي او د غونډې په پای کې پریکړه وشوه چې د خبرو اترو لومړنۍ مسوده د راټولو شویو وړاندیزونو پراساس ترتیب کړي او د JRS موسسې په واک کې ورکول شي.
