د پوهنتون علمي شورا غونډه
د شهید استاد رباني ښوونې او روزنې پوهنتون علمي ناسته، د معمول په توګه، د سهار په ۹:۳۰بجو د ۱۳۹۹ کال د لیندۍ په ۲۳مه، د آغلې پوهنوال لیلما شریفي یما تر ریاست لاندې د پوهنتون په ریاست کې جوړه شوه، د پوهنتون رییس د معرفي ویناو وروسته، لاندې مسایلو باندې خبرې وشوې او لازمې پریکړې وشوې.
１. آغلې پوهنوال لیلما شریفي یما د پوهنتون رییس د اعتباردهې د دریمې مرحلې د بریالیتوب سند ترلاسه کولو له امله د پوهنتون د کورنۍ ټولو غړو ته مبارکي وویله او د پوهنتون له ټولو څانګو یې وغوښتل چې د اعتبارليک د ساتنې او پوهنتون د لا ودې لپاره جدي هڅې وکړي. نوموړۍ همدارنګه د پوهنځییو رییسانو او ډیپارټمنټونو له آمرینو څخه وغوښتل چې د دوریې مرحلې اعتبار سند ترلاسه کولو برخه کې اړین چمتووالی ولري
２. د استادانو د خاضري او آنلاین درسونو په اړه پریکړه وشوه چې ټول استادان هره ورځ له ۸ څخه تر ۴ بجو پورې په خپلو دفترونو کې شتون ولري او خپل آنلاین درسونه د پاور پاینټ په بڼه زده کونکو ته د ZOOM او Google Class برنامو له لارې چمتو کړي. همدارنګه، د پوهنځییو قدرمن رییسان باید خپل تدابیري پلان تیار کړي او د تدابیري پلان مطابق خپل علمي او اداري کارونه چمتو کړي.
３. د علمي چارو د معاونیت او د زده کونکو چارو معاونیت دریمې ربعې راپور او د پوهنتون د مالي او اداري چارو معاونیت د څلورم ربعې راپور د پوهنتون د علمي شورا غړو په غوڅ آرا سره تصویب شو.
４. د مرکز او ولایاتوو پوهنتونو د استادانو د تقرر، ترفیع او تثبیت څورلس ټوکه دوسیې په غوڅ آرا سره تصویب شوي.
