کابل ښوونې او روزنې کې د یاد پوهنتون په شمول د بامیان او فاریاب پوهنتونونو او پنجشېر د لوړو زده کړو مؤوسسې د کادري بستونو نوماندانو څخه د نړیوالو (انگلیسي او عربي) ژبو ازموینه واخیستل شوه!
کابل ښوونې او روزنې کې د یاد پوهنتون په شمول د بامیان او فاریاب پوهنتونونو او پنجشېر د لوړو زده کړو مؤوسسې د کادري بستونو د نړیوالو(انګلیسي او عربي) ژبو ازموینه د سې شنبې ورځ د ٩/١١/١٤٠٣ ه.ش چې د ٢٧/٧/١٤٤٦ ه.ق نېټې سره سمون لري د کابل ښوونې او روزنې پوهنتون د معلوماتي تکنالوژۍ په (ای-سي-ټي)مرکز کې واخیستل شوه.
په پیل کې، د کابل ښوونې او روزنې پوهنتون مالي او اداري چارو مرستیال ښاغلي مولوي حضرت ولي"زبیر" ټولو نوماندانو ته د ښه راغلاست ترڅنګ، د ازموینې اړوند یې استادانو او څارنې کمېټې ته اړیني سپارېښتنې وکړې او ټولو ګډونوالو ته یې د ازموینې په بهیر کې د پوره روڼتیا او امانتداری ډاډ ورکړ.
همدارنګه، د استادانو د همغږۍ چارو آمر ښاغلي پوهنمل نجیب الله"بېګزاد" د ازموینې پروسیجر اړوند ټولو ګډونوالو سره معلومات شریک کړل.
وروسته، د کابل ښوونې او روزنې پوهنتون د معلوماتي تکنالوژۍ څانګې آمر ښاغلي محمد منصور “واحدي” د آنلاین ازموینې سیسټم اړوند ګډوونکوونکو سره اړین معلومات شریک کړل
د یادونې وړ ده چې د نړیوالو(انګليسی او عربي) ژبو ازموینه کې د کامیابو نوماندانو تحقیقي (تحریري) ازموینه چهارشنبې ورځ ١٠/١١/١٤٠٣ ه.ش چې له ٢٨/٧/١٤٤٦ ه.ق. نېټې سره سمون لري په کابل ښوونې او روزنې پوهنتون کې اخیستل کیږي.
