کابل ښوونې او روزنې پوهنتون رئیس د (۱۴۰۳) کال "پسرلني سمسټر" ازموینو څخه لیدنه وکړه!
شنبې ورځ د ۶/٢/١٤٤٦ هـ ق چې له ٢٠/٥/١٤٠٣ ه.ش نېټې سره سمون لري د کابل ښوونې او روزنې پوهنتون رئیس د (١٤٠٣) کال "پسرلني سمسټر" ازموینو څخه له نږدې لیدنه وکړه.
کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د بېلابېلو پوهنځیو د امتحان له صحنې څخه له نیږدې لیدنه وکړه او د پوهنتون محصلینو ته یې د شفافیت، امانتدارۍ، نظم او ډسپلین په اړه ډاډ ورکړ.
همدارنګه د پوهنتون رئیس ښاغلي "هاشمي" ټولو استادانو ته د ازموینو اخیستلو اړوند اړینې سپارښتنې وکړې چې د استادانو لخوا د پوره روڼتیا او شفافیت اطمینان ورکړل شو.
