د کابل ښوونې او روزنې پوهنتون علمي کادري بستونو نوماندانو څخه مسلکي (تحریري) آزموینه واخېستل شوه!

د کابل ښوونې او روزنې پوهنتون د ریاضي، کیمیا، معلوماتي تکنالوژۍ ، چاپېریال ساتنې، عمومي ښوونې او روزنې، زده کړیز مدیریت، ذهني شاته پاتې کېدو ارواه پوهنې او عمومي ارواپوهنې څانګو علمي کادرونو د انګلیسي ژبې آزموینه کې بریالیو نوماندانو څخه مسلکي آزموینه د چهارشنبې ورځ 1445/2/27 هــ.ق. چې له 1402/6/22هـ.ش نېټې سره سمون لري د پوهنتون رئیس شیخ الحدیث مولوي سید بشیر آغا “هاشمي”، علمي چارو مرستیال پوهاند دوکتور جمشېد خان “رشیدي”، پوهنځیو رئیسانو، د لوړو زده کړو وزارت د تقرر او ترفېعاتو ریاست پلاوي او استادانو په شتون کې واخېستل شوه.

د پوهنتون رئیس شیخ الحدیث مولوي سید بشیر آغا "هاشمي" د آزموینې له بهیر څخه د لیدنې او څارنې پر مهال ګډونکوونکو ته د دې پروسې د روڼتیا، امانت دارۍ ، نظم او ډیسپلین په اړه پوره ډاډ ورکړ، همدارنگه یې څرگنده کړه چې په پوهنتونونو کې د علمي کادرونو د ګمارنې معیار د نوماندانو وړتیا او استعداد ته په کتلو سره ترسره کېږي.