د کابل ښوونې او روزنې پوهنتون د دعوت او ارشاد څانګې د قرآنکریم درناوي په پار غونډه ترسره کړه!
چهارشنبې ورځ د ١/١/١٤٤٥هـ.ق. چې له ٢٨/٤/١٤٠٢ هـ.ش. نېټې سره سمون لري د کابل ښوونې او روزنې پوهنتون د دعوت او ارشاد څانګې د قرآنکریم درناوي په پار غونډه ترسره کړه.
غونډه د قرآنکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون معاونینو، پوهنځیو رئیسانو، استادانو، کارمندانو او کارکوونکو ګډون درلود.
لومړی د مالي او اداري چارو مرستیال ښاغلي حاجي عبدالرحیم “زبیر” په خپلو خبرو کې د دعوت او ارشاد څانګې څخه مننه وکړه زیاته یې کړه چې، د دعوت او ارشاد څانګې کړنې د ستایلو وړ دي او له الله ﷻ څخه د دعوت او ارشاد څانګې کامیابي د الله ﷻ د دین په رسولو کې ټول مسلمه امت ته غواړو.
وروسته، د دعوت او ارشاد څانګې آمر ښاغلي مولوي ذبیح الله “عابد” د پوهنتون له ټولو کارمندانو او کارکوونکو څخه مننه وکړه چې، په معین وخت د تفسیر او ترجمې زده کړو ته حاضریږي او له دې وروسته به هره اوونۍ د چهارشنبې ورځ د ماسپښین له لمانځه وروسته د قرآنکریم د درناوي او د الله ﷻ د سپېڅلي کتاب د ښه پېژندلو په پار د قرآنکریم درې ختمه ترسره کېږي.
په اخر کې غونډه د قرآنکریم د ختم او دعایې په ویلو پای ته ورسېده.
