د نشراتي کمیسیون غونډه
د۱۴۰۰ کال د کب میاشتې په ۲۴مه نېټه د سې شنبې په ورځ د کابل ښوونې او روزنې پوهنتون د خپرونو کمیسیون میاشتنۍ نوبتی غونډه وکړه. دغه غونډه د پوهنتون د علمي چارو د مرستیال ښاغلي پوهاند جمشېدخان رشیدي په مشرۍ جوړه شوه. د علمي چارو د مرستیال تر لومړنیو خبرو وروسته پر لاندې مسائلو بحث او پرېکړې وشوې.
۱. د استادانو یو تألیفي اثر د خپرېدو لپاره د رایو په اتفاق تایید شو.
۲. د خپرونو کمیسیون د استادانو پنځه علمي – څېړنیزې مقالې د خپرېدو لپاره د رایو په اتفاق سره تایید کړې. همدارنګه د خپرونو د کمیسیون غړو د پوهنتون د علمي مجلې د ویب پاڼې د بیا پیلولو په اړه هم خبرې وکړې او لازم تدابیر یې ونیول.
